Living Skills: June 2019

Thursday, June 27, 2019

ឯកសារផ្លូវច្បាប់ដែលអ្នកត្រូវហ៊ានសុំម្ចាស់គម្រោងពិនិត្យមុនសម្រេចចិត្តទិញ

លោកម៉េង សែ ស្ថាបនិកនៃគម្រោងពុះដីឡូតិ៍ ជុំ សម្បត្តិ នៅខេត្តត្បូងឃ្មុំ បានប្រាប់ Business Cambodia អំពីការពិនិត្យឯកសារផ្លូវច្បាប់ ដែលយើងត្រូវសុំម្ចាស់គម្រោង ពិនិត្យ មុនពេលសម្រេចចិត្តបោះលុយទៅទិញ ដើម្បីបញ្ចៀសហានិភ័យ។ខាងក្រោមនេះ គឺឯកសារផ្លូវច្បាប់ដែលអ្នកទិញត្រូវតែពិនិត្យ៖

១. ប្លង់រឹង៖ ត្រូវតែពិនិត្យមើលប្រភេទប័ណ្ណកម្មសិទ្ធិ ពីរប្រភេទនៅពេលអ្នកទិញផ្ទះក្នុងបុរី ដំបូងគឺប្លង់រឹងមេទាំងមូលរបស់គម្រោងដែលបានកំណត់បែងចែកដីទៅជាចំណែកផ្សេងគ្នានៅក្នុងគម្រោង។

២. ប្លង់ទន់៖ គឺភាគច្រើនត្រូវបានចេញឲ្យប្រើប្រាស់ក្នុងប្រទេសកម្ពុជា។ ប្លង់ប្រភេទនេះត្រូវបានចុះឈ្មោះនិងទទួលស្គាល់ត្រឹម តែអជ្ញាធរមូលដ្ឋាន និងបានផ្តល់ជូនដោយការិយាល័យស្រុកប៉ុណ្ណោះ។ប្ល ង់ទន់ជាធម្មតាសំដៅទៅលើឯកសារចំនួនបីដែលអាចបង្ហាញភស្ដុតាងនៃភាពជាម្ចាស់។
៣. ការចុះបញ្ជីក្រុមហ៊ុន៖ កុំខ្លាចក្នុងការស្នើសុំពិនិត្យលិខិតចុះបញ្ជីក្រុមហ៊ុនពីអ្នកអភិវឌ្ឍន៍ តាមច្បាប់ក្រុមហ៊ុនអភិវឌ្ឍន៍ត្រូវចុះបញ្ជីដើម្បីទទួលបានការយល់ព្រមពីក្រសួងពាក់ព័ន្ធដើម្បីអាចចាប់ផ្តើមដំណើរការអាជីវកម្ម និងដំណើរការសាងសង់បាន។
៤. ការអនុម័តផែនការមេ៖ នេះគឺជាឯកសារមួយដ៏សំខាន់ដែលអ្នកត្រូវតែដឹងផងដែរ ចំពោះផែនការមេ (សម្រាប់គម្រោងទាំងមូល) ឯកសារនេះត្រូវបានអនុម័តដោយក្រសួងរៀបចំដែនដីនគរូបនីយកម្ម និងសំណង់។
៥. ពិនិត្យឯកសារទិញដីធ្លី៖ ការពិនិត្យទិញឯកសារដីធ្លី របស់ម្ចាស់គម្រោងពិតជាសំខាន់ខ្លាំងណាស់ ព្រោះនេះជាបញ្ហា ដែលតែងកើតឡើងជារឿយ។ ដូចនេះបើក្រុមហ៊ុនណាហ៊ានបង្ហាញឯកសារដីធ្លីនេះ គឺគួរឲ្យទុកចិត្តហើយ។

Wednesday, June 26, 2019

Android Q នឹងធ្វើឲ្យស្មាតហ្វូនទាំងអស់ អាចដំណើរការជាកុំព្យូទ័របាន!

ប្រសិនបើយោងទៅតាម កំណែអាប់ដេតចុងក្រោយ Android Q Beta 4 គឺបានបង្ហាញឲ្យឃើញថា មុខងារថ្មីពិសេសមួយ ដែលស្រដៀងគ្នាទៅនឹង Samsung Dex ក៏កំពុងស្ថិត ក្នុងការអភិវឌ្ឍន៍ ដោយអនុញ្ញាតឲ្យស្មាតហ្វូន ដំណើរការ ជាកុំព្យូទ័របាន។ នាពេលថ្មីៗនេះ លោក Daniel Blandford ដែលត្រូវជាអ្នក Developer ជំនាញម្នាក់ បានចែករំលែកនូវ វីដេអូនៅលើឆានែល YouTube របស់គាត់ផ្ទាល់ ដោយពិពណ៌នាអំពី ការរីកចម្រើនទាក់ទងទៅនឹង មុខងារថ្មីមួយនេះ។

នាពេលបច្ចុប្បន្ននេះ ត្រូវបានគេស្គាល់ថា “Flow Desktop” ហើយដូច ដែលបានរៀបរាប់ នៅខាងក្នុងវីដេអូនោះ គឺថាប្រទះឃើញមាន កំហុសច្រើននៅឡើយ ហេតុដោយសារតែ ប្រព័ន្ធប្រតិបតិ្តការ Android Q ក៏មិនទាន់រួចរាល់ផងដែរ។ កំណែអាប់ដេតទៅកាន់ Android Q នឹងក្លាយជា ជំនាន់ដំបូងបង្អស់ ដែលផ្ដល់ជូននូវ មុខងារ Desktop Mode មកស្រាប់តែម្ដង ក៏ប៉ុន្ដែក្រុមការងារ Samsung បានចាប់ផ្ដើមធ្វើការលើ DeX ដែលជាមុខងារស្រដៀងគ្នានេះ ជាយូរណាស់មកហើយ។ ខណៈពេលកំពុងកសាង មុខងារថ្មីពិសេសនេះ លោក Daniel Blandford បានប្រើប្រាស់ ស្មាតហ្វូនម៉ូឌែល Essential Phone ភ្ជាប់ជាមួយម៉ូនីទ័រកុំព្យូទ័រ និងតភ្ជាប់ក្ដារចុចដោយ Bluetooth ដើម្បីធ្វើការបញ្ជា ថែមទៀតផង។ ជាអកុសល អ្នកទាំងអស់គ្នា មិនទាន់អាចសាកល្បង ប្រើប្រាស់មុខងារនេះ បានដោយខ្លួនឯងនៅឡើយ បើទោះបីជា ស្មាតហ្វូនរបស់អ្នក កំពុងដំណើរការលើ Android Q Beta 4 យ៉ាងណាក៏ដោយ ពីព្រោះលោក Daniel Blandford បានប្រើប្រាស់កម្មវិធី Android Launcher ដែលបានបង្កើតឡើង ដោយខ្លួនគាត់ផ្ទាល់ និងមានដំណោះស្រាយឲ្យអាច ដំណើរការជាកុំព្យូទ័របាន។

***សូមទស្សនាវីដេអូខាងក្រោម ដែលដាក់បង្ហាញអំពីមុខងារ Desktop Mode មាននៅលើ Android Q៖

សរុបមក ការធ្វើតេស្ដសាកល្បង ដោយលោក Daniel Blandford គឺបានផ្ដល់ឱកាស ឲ្យយើងឃើញថាមុខងារ Desktop Mode នឹងមានសារៈសំខាន់ សម្រាប់ប្រព័ន្ធប្រតិបត្តិការ Android ក្នុងពេលអនាគត។ នៅពេលដែល ប្រព័ន្ធប្រតិបត្តិការ Android Q ចេញជាផ្លូវការ នោះស្មាតហ្វូន Android របស់លោកអ្នក នឹងអាចកាន់តែមានអត្ថប្រយោជន៍ ដោយអាចដើរតួជាកុំព្យូទ័រ Desktop ទូទៅ បានថែមទៀត។

ឡាន Toyota Prius Prime មួយគ្រឿងដំបូង លេចមុខនៅខ្មែរ ឯតម្លៃក៏មិនណយ

រថយន្ត Toyota Prius Prime ស៊េរីឆ្នាំ ២០១៧ មួយគ្រឿងដំបូងបង្អស់ បានបង្អួតរាងនៅក្នុងប្រទេសកម្ពុជា តាមរយៈការនាំចូលពីហ្គារាសលក់រថយន្តមួយកន្លែងក្នុងរាជធានីភ្នំពេញ ។

Prius Prime នេះ ជារថយន្តប្រភេទ Plug-in Hybrid ដែលដំណើរការដោយប្រើសាំងផង អាគុយផង និង សាកភ្លើងផង ។ វាបំពាក់ម៉ាស៊ីនចំណុះ ១,៨ លីត្រ ទំហំ ៤ ស៊ីឡាំង ជាមួយនឹងម៉ូទ័រអគ្គិសនីចំនួន ២ និង ប្រអប់លេខអូតូ CVT ហើយប្រើប្រព័ន្ធប៉ុងមុខ FWD ។ វាមានកម្រិតស៊ីសាំងជាមធ្យមត្រឹមតែ ៤,៣ លីត្រប៉ុណ្ណោះសម្រាប់ការបើកបរចម្ងាយ ១០០ គីឡូម៉ែត្រ ។ មិនតែប៉ុណ្ណោះ វាក៏អាចដំណើរការដោយថាមពលអគ្គិសនីសុទ្ធ បានរហូតដល់ទៅចម្ងាយ ៤០ គីឡូម៉ែត្រទៀតផង ។

រថយន្ត Prius Prime ដែលនាំចូលមកលក់នោះ មានតួខ្លួនខាងក្រៅពណ៌សកាំម៉ៃ តែផ្នែកខាងក្នុងពណ៌ខ្មៅ ហើយជារថយន្តប្រភេទ Full Option ។ វាមានការរចនាយ៉ាងទំនើប និង លេចធ្លោខុសប្លែកពីរថយន្ត Prius ធម្មតា ហើយក៏បំពាក់ Option ពិសេសៗមកជាច្រើន ដូចជា ចង្កៀងគុជ ៤ , កុងទ័របាញ់លើកញ្ចក់ (Head-up Display) , Pre-collision Warning , Lane Keeping Assist , សាកថ្មទូរស័ព្ទមិនបាច់ប្រើខ្សែ , សេនស័រចូលចត , កាមេរ៉ាមើលក្រោយ និង កញ្ចក់ក្រោយរាងមេអំបៅ ជាដើម ។

រថយន្ត Toyota Prius Prime ស៊េរីឆ្នាំ ២០១៧ ត្រូវបានដាក់លក់នៅលើទីផ្សារបរទេសក្នុងតម្លៃប្រហែល ២៧ ០០០ ទៅ ៣០ ០០០ ដុល្លារ ប៉ុន្តែតម្លៃលក់លើទីផ្សារប្រទេសកម្ពុជា ត្រូវហ្គារាសខាងលើបង្ហើបឱ្យដឹងថាប្រមាណខ្ទង់ ៥ ម៉ឺនដុល្លារស្តើង ៕

Tuesday, June 25, 2019

របៀបធ្វើ តៅហ៊ូទឺកស្ករ

គ្រឿងផ្សំ‬:

- សណ្តែកសៀង ៣ខាំ

- ទឹក ១លីត្រ

- ខ្ញី ២-៣ចំណិត

- ស្លឹកតើយ-៣សន្លឹក

- ខ្ទិះដូង ១ចានចង្កឹះ

- ស្ករស រឹ ស្ករត្នោត៣ខាំ

- អំបិល ១ស្លាបព្រាកាហ្វេ

- ម្សៅពោត ២ស្លាបព្រាកាហ្វេ

- ក្រូចឆ្មា១ចំណិត

‪
‎វិធីធ្វើ‬:

សណ្តែកសៀងត្រាំទឹកក្តៅ៣-៤ម៉ោង ប្ទាប់មកបកសំបកចេញលាង៤-៥ទឹកអោយស្អាត

យកម៉ាស៊ីនមកដាក់សណ្តែកលាយជាមួយទឹកកិនអោយម៉ត់ ហើយយកស្បៃមកចោះទឹកសណ្តែកកុំអោយដោយកាក

ដាក់ឆ្នាំងដាំទឹកសណ្តែក លាយជាមួយម្សៅពោត និង ក្រូចឆ្មាទុកអោយពុះតិចរយះពេល១០នាទី លើកឆ្នាំងទុករយះពេល២ម៉ោងអោយវាកក រីទុកក្នុងទូរទឹកកកកន្លះម៉ោង

យកឆ្នាំដាក់ដាំទឹកលាយស្ករ អំបិលបន្តិច បន្ទះខ្ញី ស្លឹកតើយ

ដាក់ដាំខ្ទិះដូងលាយជាមួយអំបិលចុងស្លាបព្រា ម្សៅពោត១ស្លាបព្រា កូរអោយសព្វ និងខាប់ល្អ ។

Monday, June 24, 2019

អ្នកជំនាញ វិភាគមូលហេតុបាក់រលំអគារ 7ជាន់ នៅក្រុងព្រះសីហនុ

ជាការពិតណាស់កាលពីព្រឹកថ្ងៃទី 22 ខែមីថុនា នេះមានការដួលរលំអគារ 7ជាន់នៅក្រុងព្រះស៊ីហនុ ដែលបណ្តាលឲ្យមានមនុស្សស្លាប់ និងរបួសជាច្រើននាក់។
មូលហេតុដែលបណ្តាលឲ្យបាក់រលំអគារមួយនេះគឺដោយសារកម្លាំងខ្យល់កន្ទ្រាក់កាលពីយប់ និងសំណង់មិនរឹងមាំរបស់អគារនេះផ្ទាល់ដែលអ្នកជំនាញម្នាក់ដែលជាវិស្វករសំណង់បានធ្វើការវិភាគដូចខាងក្រោម៖

“អគារដែលបាក់កំឡុងពេលសាងសង់ ជាទូរទៅកម្រកើតឡើងដោយសារកំហុសឌីសាញណាស់ ត្បិតពេលឌីសាញគេតែងគិតបន្ទុកមនុស្សយ៉ាងហោចណាស់ក៏4-5នាក់ដែរក្នុង១ការ៉េ។ មានន័យថាបើអគារ1000ការ៉េគឺត្រូវមានមនុស្សយ៉ាងហោច4000-5000នាក់មកឈរពីលើដែរ, តែកំឡុងពេលសាងសង់គឺពុំមានទេ។
ការបាក់បែបនេះ ជាទូរទៅគឺបាក់ដោយសារខ្វះរឺខុសបច្ចេក្ខទេសក្នុងការតំឡើង (installation method) រឺកំហុសក្នុងការគ្រប់គ្រងការដ្ឋាន ដោយមិនបានពិនិត្យចំនុចសំខាន់ៗដែលអាចមានគ្រោះថ្នាក់ (critical points).

អគារដែកជាទូរទៅមានភាពយោលខ្លាំងជាងអគារបេតុង, តែអគារនេះប្រហែលមិនយោលខ្លាំងទេមុនពេលបាក់ ត្បិតបើមានកំរិតយោលខ្លាំងនោះកម្មករនឹងដឹងមុន ហើយរត់ចេញ។ មិនយោលខ្លាំងមែនតែដោយសារបន្ទុកឥដ្ឋរាប់តោនជាមួយនឹងរំយោលតិចតួច ក៏បានបង្កើតថាមពលខ្លាំងទាញអគារទាំងមូលអោយរលំទៅម្ខាងបានដែរ។

បើតាមមើលតាមរូបភាព សសរអគារនេះដូចជា I-Beam មិនមែន H-Beam ។ បើពិតដូច្នេះមែន នោះវាជាកំហុសធំ១ដែរ ត្បិត I-Beam មានភាពរឹងមាំតែមុខម្ខាង ឯម្ខាងទៀតខ្សោយខ្លាំង។ បើភាពយោលនៃអគារងាកទៅទិសដែលសសរI-Beamមានភាពខ្សោយហើយអ្នកឌីសាញមិនបានប្រើខ្សែរកាបរឺធ្នឹងទ្រេត(diagonal members)ដើម្បីជួយពង្រឹងទេ នោះការបាក់ដោយសារ sway-structure នឹងកើតមានឡើង។ វាជាកំហុសឌីសាញ១ដែលអ្នកឌីសាញភាគច្រើនមិនបានគិតដល់។
នៅទីផ្សារI-BeamមានតំលៃធូរជាងH-Beamច្រើនគួរសមដែរ។
Just share my small knowledge in building structure” .

Sunday, June 23, 2019

រថយន្តតម្លៃ ១ ពាន់ដុល្លារ រកច្រកចូលទីផ្សារកម្ពុជា ដល់ណាហើយ? (មានវីដេអូ)

ក្រុមហ៊ុនមួយក្នុងចំណោមក្រុមហ៊ុនចំនួន ៥១របស់ចិន កំពុងស្វែងរកគូដៃពាណិជ្ជកម្មនៅកម្ពុជាដើម្បីផ្គត់ផ្គង់រថយន្តខ្នាតតូចដើរដោយប្រព័ន្ធអគ្គិសនី។ ក្រុមហ៊ុនផលិតរថយន្តអគ្គិសនីនេះមានឈ្មោះថា Solo ដែលមានមូលដ្ឋាននៅទីក្រុង តឺចូវ ប្រទេសចិន។

រថយន្តគំរូរបស់ក្រុមហ៊ុន Solo

នៅក្នុងជំនួបវិនយោគិនពីប្រទេសចិនក្នុងកម្មវិធីផ្លូវសូត្រសមុទ្រកាលពីពេលកន្លងទៅ លោកឧកញ៉ា ពុង ឃាវសែ ប្រធានសមាគមខ្មែរ-ចិន នៅកម្ពុជាបានឲ្យងដឹងថា ក្រុមហ៊ុន Solo ដែលមានរោងចក្រផលិតរថយន្តខា្នតតូច ដើរដោយអគ្គិសនី គ្រោងនាំយករថយន្តតម្លៃទាបត្រឹមតែ ១ពាន់ដុល្លារ មកផ្គត់ផ្គង់នៅកម្ពុជា ហើយពេលនេះគឺកំពុងស្វែងរកវិនិយោគិនក្នុងស្រុកដើម្បីហក់ចូលទីផ្សាររថយន្តនៅកម្ពុជាឲ្យបានឆាប់បំផុត។

គូសបញ្ជាក់ថា មកទល់ពេលនេះ ក្រុមហ៊ុនរថយន្តអគ្គិសនីនេះបានផលិតរថយន្តអគ្គិសនីរហូតដល់ ១ លានគ្រឿងនិងផ្គត់ផ្គង់តាមបណ្ដាប្រទេសមួយចំនួន។ ដោយឡែកសម្រាប់ទីផ្សារកម្ពុជានៅមិនទាន់ដាក់ឲ្យដំណើការនៅឡើយទេ។

លក្ខណៈពិសេសនៃរថយន្តនេះគឺចំណាយតិចតែ ១ ដុល្លារអាចធ្វើដំណើរបានចម្ងាយដល់ទៅ ១០០គីឡូម៉ែត្រ៕

សាកទៅម្តងមើល៍ នៅខេត្តកណ្តាលយើងតើ ! រមណីយដ្ឋាន «ភូមិផ្កាត្រកួន» ទើបនឹងបង្កើតថ្មី ទេសភាពស្អាតកប់

បើទោះបីជាខេត្តកណ្តាល មិនសូវសម្បូររមណីយដ្ឋានវប្បធម៌ច្រើនដូចនៅតាមបណ្តាខេត្តផ្សេងៗក្តី ក៏ខេត្តដែលហ៊ុំព័ន្ធ រាជធានីភ្នំពេញមួយនេះ សម្បូរទៅដោយទេសភាពធម្មជាតិយ៉ាងច្រើន ដែលអាចឱ្យគេកែច្នៃបានទៅជារមណីយដ្ឋានទេសចរណ៍ដើម្បីបម្រើភ្ញៀវទេសចរផងដែរ ។

រមណីយដ្ឋាន ភូមិផ្កាត្រកួន ជារមណីយដ្ឋានថ្មីមួយទៀត ដែលទើបបង្កើតថ្មីនៅ ឆ្នាំ ២០១៩ នេះប៉ុណ្ណោះ ។ រមណីយដ្ឋាននេះមានទីតាំងស្ថិតនៅក្នុង ឃុំស្វាយប្រទាល ស្រុកស្អាង ខេត្តកណ្តាល ។ បើយើងធ្វើដំណើរតាមផ្លូវជាតិលេខ ២១A ពីទួលក្រសាំងមករមណីយដ្ឋាននេះ មានចម្ងាយប្រមាណជា ២០ គីឡូម៉ែត តែបើសិនជាធ្វើដំណើរតាមផ្លូវជាតិលេខ ២១ រមណីយដ្ឋាននេះមានចម្ងាយ ២៧ គីឡូម៉ែត ដោយត្រូវវាងកោះអន្លុងចិន និង ជិះកាត់តាមកោះក្របី ទើបដល់ រមណីយដ្ឋានផ្កាត្រកួននេះ ។

នៅ រមណីយដ្ឋាន ភូមិផ្កាត្រកួន មានទូកាយ៉ាក សម្រាប់ភ្ញៀវអុំកម្សាន្ត ហើយនៅទីនោះមានច្បារដំណាំ សួនផ្កាជាច្រើនដើម្បីបម្រើភ្ញៀវទេសចរ ក្រៅពីនេះ គេក៏បានតុបតែងជាសួនច្បារ យ៉ាងស្រស់ស្អាត គួរជាទីគយគន្ធផងដែរ ៕

បង្ហាញមុខ អ្នកបង្កើតក្រុមហ៊ុនរថយន្តល្បីៗ

ម៉ាករថយន្តលំដាប់អន្តរជាតិដែលទទួលបានកេរ្តិ៍ឈ្មោះល្បីសុសសាយលើពិភពលោករួមមានដូចជា Rolls-Royce, Lamborghini, Ferrari, Toyota, Lexus, BMW, Audi និង Porsche ជាដើម។ ប៉ុន្តែមានមនុស្សតិចណាស់ដែលស្គាល់ថានរណាជាអ្នកបង្កើតម៉ាកសញ្ញារថយន្តល្បីៗទាំងនេះ។ តទៅនេះ Sabay នឹងបង្ហាញឲ្យបានស្គាល់៖
Audi

បង្កើតឡើងដោយលោក August Horch ដែលចាប់ផ្ដើមដំណើរការដំបូងតាំងពីថ្ងៃទី ២៥ ខែមេសា ឆ្នាំ ១៩១០។ លោក August កើតនៅប្រទេសអាល្លឺម៉ង់ នាថ្ងៃទី ១២ ខែតុលា ឆ្នាំ ១៨៦៨ និង បាត់បង់ជីវិតថ្ងៃទី ៣ ខែកុម្ភៈ ឆ្នាំ ១៩៥១ នៅអាយុ ៨២ ឆ្នាំ។
BMW (Bayerische Motoren Werke AG)

លើខាងឆ្វេងលោក Karl, ក្រោមខាងឆ្វេងលោក Camillo និង ខាងស្ដាំលោក Franz

នៅថ្ងៃទី ៧ ខែមីនា ឆ្នាំ ១៩១៦ ជាការចាប់កំណើតនៃក្រុមហ៊ុនផលិតរថយន្ត BMW ដែលមានការរួមបង្កើតឡើងដោយលោក Franz Josef Popp កើតនៅប្រទេសអូទ្រីស, លោក Karl Friedrich Rapp កើតនៅអាល្លឺម៉ង់ និង លោក Camillo Castiglioni កើតនៅប្រទេសអ៊ីតាលី។
Bugatti

ក្រុមហ៊ុនរថយន្តអ៊ីតាលីនេះបង្កើតឡើងនៅឆ្នាំ ១៩០៩ ដោយលោក Ettore Bugatti ដែលចាប់កំណើតនៅប្រទេសអ៊ីតាលីផ្ទាល់។ នៅឆ្នាំ ១៩៦៣ ក្រុមហ៊ុន Bugatti នេះក៏បានបាត់បង់ជីវិតទៅវិញដោយសារជួបវិបត្តិហិរញ្ញវត្ថុ។ យ៉ាងណាក្ដីនៅឆ្នាំ ១៩៩៨ ម៉ាកសញ្ញា Bugatti បានរស់រានមានជីវិតឡើងវិញ ក្រោយពីក្រុមហ៊ុន Volkswagen Group ទិញយកម៉ាកសញ្ញានេះបានសម្រេច និងបន្តការផលិតរថយន្តម៉ាក Bugatti។
Ferrari

នេះក៏ជាក្រុមហ៊ុនរថយន្តអ៊ីតាលីដ៏ល្បីមួយដែរ ដែលបានចាប់ដំណើរដំបូងនាថ្ងៃទី ១៣ ខែកញ្ញា ឆ្នាំ ១៩៣៩ ក្រោមការបង្កើតរបស់លោក Enzo Ferrari ដែលកើតនៅប្រទេសអ៊ីតាលី។ មកទល់ពេលនេះរថយន្តម៉ាក Ferrari ផលិតចេញបាន ៨ ០១៤ គ្រឿង ហើយចំណូលសម្រាប់ឆ្នាំ ២០១៦ គឺមានប្រមាណ ៣,៤៧ ពាន់លានដុល្លារ។
Honda

លោក Coichiro Honda (ឆ្វេង) និង Takeo Fujisawa (ស្ដាំ)

និយាយដល់ក្រុមហ៊ុន Honda មនុស្សមួយចំនួនតូចច្បាស់ជាស្គាល់ថាវាបង្កើតឡើងដោយលោក Soichiro Honda ប៉ុន្តែតាមពិតក៏មានការចូលរួមចំណែកពីលោក Takeo Fujisawa ផងដែរ។ Honda មិនត្រឹមជាម៉ាកសញ្ញារថយន្តប៉ុណ្ណោះទេ តែក៏ជាម៉ាកសញ្ញាម៉ូតូដ៏ល្បីមួយដែរ រួមទាំងជាម៉ាកផលិតផលអេឡិចត្រូនិកជាច្រើនទៀត។ ក្រុមហ៊ុន Honda ចាប់កំណើតឡើងនាខែតុលា ឆ្នាំ ១៩៤៦។
Lamborghini

លោក Ferruccio Lamborghini

ក្រុមហ៊ុនរថយន្តអ៊ីតាលីនេះបង្កើតឡើងនៅឆ្នាំ ១៩៦៣ ដែលបង្កើតឡើងដោយលោក Ferruccio Lamborghini ជាកូនកសិករសញ្ជាតិអ៊ីតាលី។ នៅឆ្នាំ ១៩៩៨ ក្រុមហ៊ុនត្រូវបានលក់ទៅឲ្យក្រុមហ៊ុន Volkswagen Group ដោយត្រូវស្ថិតនៅក្រោមការគ្រប់គ្រង់របស់ក្រុមហ៊ុន Audi ដែល Audi ជាសាខាមួយរបស់ Volkswagen Group។
Mercedes-Benz

លោក Karl Benz (ឆ្វេង) និង Gottlieb Daimler (ស្ដាំ)

ក្រុមហ៊ុនរថយន្តដ៏ល្បីនេះមានអាយុកាលរាងចំណាស់ដែរដោយកកើតឡើងនៅថ្ងៃទី ២៨ ខែមិថុនា ឆ្នាំ ១៩២៦ ក្រោមការបង្កើតរបស់លោក Karl Benz និង Gottlieb Daimler ដោយសុទ្ធតែចាប់កំណើតនៅប្រទេសអាល្លឺម៉ង់។
Porsche

ឈ្មោះរបស់ក្រុមហ៊ុននេះយកតាមឈ្មោះរបស់អ្នកបង្កើតផ្ទាល់គឺលោក Ferdinand Porsche ដោយគាត់បានបង្កើតក្រុមហ៊ុននេះឡើងនៅឆ្នាំ ១៩៣១។ ក្រុមហ៊ុននេះបច្ចុប្បន្នក៏ស្ថិតនៅក្រោមការត្រួតត្រារបស់ក្រុមហ៊ុន Volkswagen Group ដែរ ក្រោយពីត្រូវបាន Volkswagen Group ទិញយកបានសម្រេចនៅខែសីហា ឆ្នាំ ២០១២។
Rolls-Royce Motor Car Limited

លោក Torsten Müller-Ötvös

ក្រុមហ៊ុនរថយន្តអង់គ្លេសនេះបង្កើតឡើងនៅឆ្នាំ ១៩៩៨ ដោយក្រុមហ៊ុនរថយន្ត BMW។ បច្ចុប្បន្ននេះ Rolls-Royce ស្ថិតក្រោមការដឹកនាំរបស់លោក Torsten Müller-Ötvös ដែលជានាយកប្រតិបត្តិ ហើយភាគច្រើនផលិតរថយន្តតាមការកុម្ម៉ង់របស់មហាសេដ្ឋី។
Toyota

លោក Kiichiro Toyoda

ជាក្រុមហ៊ុនរថយន្តជប៉ុនដ៏ល្បីជាងគេដែលបង្កើតឡើងដោយលោក Kiichiro Toyoda នៅថ្ងៃទី ២៨ ខែសីហា ឆ្នាំ ១៩៣៧។ មិនតែប៉ុណ្ណោះក្រុមហ៊ុន Toyota ថែមជាម្ចាស់ម៉ាកសញ្ញារថយន្ត Lexus ដែលបង្កើតនៅឆ្នាំ ១៩៨៩ ទៀតផង។
Volkswagen Group

ក្រុមហ៊ុននេះបង្កើតឡើងនាថ្ងៃទី ២៨ ខែឧសភា ឆ្នាំ ១៩៣៧ ដោយអង្គភាពកងកម្លាំងជួរមុខរបស់អាល្លឺម៉ង់។ ដូចបានបង្ហាញខ្លះៗខាងលើក្រុមហ៊ុននេះមានកាន់កាប់ក្រុមហ៊ុនរថយន្តជាច្រើនរួមមាន Audi, Lamborghini, Bentley, Bugatti និង Porsche ជាដើម។ កាលពីឆ្នាំ ២០១៦ ក្រុមហ៊ុននេះបានឡើងលើ Toyota គ្រងតំណែងក្រុមហ៊ុនផលិតរថយន្តធំជាងគេក្នុងលោក៕