Living Skills

Thursday, July 18, 2019

មុខងារមួយលើ YouTube អាចរកបានដល់ ៤០០ ដុល្លារក្នុងមួយនាទី

ក្នុងកម្មវិធី VidCon ដែលជាសន្និសីទប្រចាំឆ្នាំនិយាយអំពីវីដេអូនៅលើអនឡាញ បានប្រព្រឹត្តទៅកាលពីពេលថ្មីៗនេះ។ បណ្ដាញ YouTube ក៏បានចូលរួមក្នុងកម្មវិធីនេះដែរ ហើយលោក Neal Mohan ប្រធានផ្នែកផលិតផល YouTube បាននិយាយអំពីការបន្ថែមនូវមុខងាររកលុយថ្មីៗលើ YouTube សម្រាប់ឲ្យ YouTuber ប្រើប្រាស់ ជាជាងការពឹងផ្អែកតែលើផ្ទាំងពាណិជ្ជកម្មមួយមុខ។

មុខងាររកលុយថ្មីៗដែល YouTube បានលើកឡើងមានដូចជា ការលក់ផលិតផលផ្ទាល់ខ្លួនរបស់ YouTuber ម្នាក់ៗ, ការបន្ថែមនូវ Sticker លុយសម្រាប់អ្នកផ្សាយផ្ទាល់វីដេអូ (អ្នកទស្សនាអាចផ្ដល់លុយដល់អ្នកផ្សាយផ្ទាល់ដោយចុចផ្ញើ Sticker ពេលកំពុងទស្សនា) និងមុខងារចូលជាសមាជិកលើគណនី YouTube មួយ ដោយគិតកម្រៃពីអ្នកចុះឈ្មោះ។
លោក Mohan បាននិយាយថា មុខងារថ្មីៗទាំងនេះមិនមែនជាការពិសោធតូចតាចនោះទេ និងបន្ថែមថាមុខងាររកលុយមួយចំនួនដែលមានរួចមកហើយលើ YouTube ពេលនេះអាចជួយឲ្យ YouTuber រកចំណូលបានច្រើនសន្ធឹក។

Super Chat

ជាក់ស្ដែងគឺមុខងារ Super Chat ដែល YouTube ដាក់ឲ្យប្រើកាលពីអំឡុងដើមឆ្នាំ ២០១៧។ រយៈពេល ១២ ខែចុងក្រោយនេះ មានគណនីជាង ៩ ម៉ឺនបានប្រើមុខងារនេះ ហើយមានខ្លះអាចរកចំណូលបានជាង ៤០០ ដុល្លារក្នុងមួយនាទី។ នេះបើតាមការបញ្ជាក់របស់ប្រធានផ្នែកផលិតផលខាងលើ។

Nick Nimmin

Super Chat គឺជាមុខងារមួយ ដែលអាចឲ្យអ្នកគាំទ្រផ្ញើលុយដល់ YouTuber ដែលខ្លួនចូលចិត្ត អំឡុងពេលធ្វើការផ្សាយផ្ទាល់។ គណនី Nick Nimmin ដែលតែងបង្ហោះវីដេអូបង្រៀនទាក់ទងនឹងការប្រើ YouTube ឲ្យមានប្រសិទ្ធភាពនោះ និយាយថា "Super Chat” ជាប្រភពចំណូលធំលេខ ១ របស់ខ្លួន មានន័យថាច្រើនជាងពីចំណូលនៃពាណិជ្ជកម្មលោតក្នុងវីដេអូទៅទៀត៕

Wednesday, July 17, 2019

កំណែអាប់ដេត PUBG Mobile v0.13.5 នឹងដាក់ឲ្យទាញយកឆាប់ៗនេះហើយ

ការធ្វើការអាប់ដេត PUBG Mobile ទៅកាន់ជំនាន់ចុងក្រោយ v0.13.5 បានប្រកាសចេញហើយ ហើយវាបាននាំមកនូវ ការផ្លាស់ប្ដូរយ៉ាងច្រើន ដោយមានដូចជា អាវុធកាំភ្លើងថ្មី, HDR 60fps, ឈុតសម្លៀកបំពាក់ បែបសមុទ្រ សម្រាប់រដូវកាលទី 8 នៃប្រព័ន្ធកម្មវិធី Royale Pass និងបន្ថែមផ្ទាំងម៉ឺនុយថ្មី ជាដើម។ លើសពីនេះទៅទៀត យើងក៏ប្រទះឃើញមាន ការកែប្រែទៅលើចំណុច UI មួយចំនួច, ជួសជុលកំហុស និងពត៌មានលំអិតមួយចំនួន អំពីព្រឹត្ដិការណ៍ថ្មីមួយ ដែលត្រូវបានកំណត់ មកដល់ចុងខែនេះផងដែរ។

អ្នកលេងទាំងអស់ ដែលធ្វើការអាប់ដេត ឲ្យបានមុនថ្ងៃទី 22 ខែកក្កដា ឆ្នាំ 2019 នឹងអាចទទួលបាន Parachute Trail និងទឹកប្រាក់ក្នុងហ្គេម 1,888BP ជារង្វាន់ពិសេសតែម្ដង។ កំណែអាប់ដេតទៅកាន់ PUBG Mobile v0.13.5 គឺមានទំហំទាញយក 181MB សម្រាប់ឧបករណ៍ iOS និងទំហំ 158MB សម្រាប់ឧបករណ៍ Android ផងដែរ។ យើងប្រទះឃើញមាន កាំភ្លើងយន្ដថ្មី ដែលមានឈ្មោះថា PP-19 ត្រូវបានបញ្ចូល ទៅក្នុងហ្គេម ដោយប្រើប្រាស់គ្រាប់ 9mm និងអាចផ្ទុកបាន រហូតដល់ទៅ 53 គ្រាប់ក្នុងមួយបង់។ កាំភ្លើងយន្ដ PP-19 អាចរកបាននៅលើផែនទី Erangel និង Vikendi និងអាចធ្វើការបំពាក់នូវ Scope បានគ្រប់ប្រភេទទាំងអស់ និងការបាញ់មានលក្ខណៈ ស្រដៀងគ្នាទៅនឹង កាំភ្លើងយន្ដ UMP អញ្ចឹងដែរ។

ក្រៅពីនេះទៅទៀត នៅក្នុងកំណែអាប់ដេតនេះ PUBG Mobile ក៏បានបន្ថែមនូវមុខងារ Refresh Rate 60fps ទៅលើជម្រើសក្រាហ្វិក HDR សម្រាប់ស្មាតហ្វូន លំដាប់កំពូល ដើម្បីអនុញ្ញាតឲ្យអ្នកប្រើ ទទួលបានបទពិសោធន៍ កាន់តែល្អជាងមុន និងរលូនខ្លាំង ថែមទៀតផង។ ការលេងរបៀប TPP (Third Person Perspective) ក៏ត្រូវបានបន្ថែមចូលទៅវគ្គ Team Deathmatch និងកាតការពារ កុំឲ្យធ្លាក់ពិន្ទុ ក៏បានមកដល់ដូចគ្នា ដើម្បីការពារអ្នកលេង ពីការ កាត់បន្ថយចំណាត់ថ្នាក់ នៅពេល ដែលលេងចាញ់។ អ្វីដែលគួរកត់សម្គាល់នេះ គឺជាការនាំយកមកនូវ មុខងារទាញយក ឬការធ្វើការអាប់ដេត ដោយអាចចេញពីហ្គេមបាន ជាពិសេសសម្រាប់ iOS តែមួយគត់ប៉ុណ្ណោះ ដែលមានន័យថាអ្នកលេង លែងត្រូវការបើកហ្គេមចោល រៀងរាល់ពេលវាកំពុង ទាញយកឯកសារទៀតឡើយ។

មិនត្រឹមតែប៉ុណ្ណឹងទេ PUBG Mobile ក៏បានចាប់ផ្ដើមរដូវកាលទី 8 របស់ខ្លួន ជាមួយនឹង Royale Pass ជំនាន់ថ្មីផងដែរ ហើយនៅពេលអ្នកលេង អាចធ្វើការឡើងដល់ Ranked Gold នោះ នឹងទទួលបាន ឈុតសម្លៀកបំពាក់ ប្រចាំរដូវកាលទី 8 ផងដែរ។ ចំពោះអ្នកលេងទាំងអស់ ដែលបានជាវយក Royale Pass នៃរដូវកាលទី 8 គឺអាចទទួលបាន ឈុតសម្លៀកបំពាក់បែបសមុទ្រ ថែមទៀតផង។

Tuesday, July 16, 2019

ដឹងហើយ! តម្លៃដើមចំណាយផលិត OnePlus 7 Pro មួយគ្រឿង

OnePlus 7 Pro មានបំពាក់មុខងារពិសេសជាច្រើន មិនចាញ់ស្មាតហ្វូនកំពូលៗនាពេលបច្ចុប្បន្ន ហើយវាមានតម្លៃមិនដល់ខ្ទង់ពាន់ដុល្លារនោះទេ ពោលចន្លោះពីជាង ៦០០ ដុល្លារ ទៅជាង ៧០០ ដុល្លារប៉ុណ្ណោះ។

ការកំណត់តម្លៃលក់ទាបបែបនេះ ប្រហែលជាមានអ្នកយល់ថា OnePlus អាចមិនចំណេញច្រើនឡើយពីស្មាតហ្វូន OnePlus 7 Pro មួយគ្រឿង។ បើតាមរូបភាពលេចធ្លាយមួយសន្លឹកបង្ហោះលើ Weibo បានបង្ហាញអំពីថ្លៃគ្រឿងបន្លាសត់ ដែលចំណាយលើការផលិត OnePlus 7 Pro ប្រភេទ RAM ៦ GB និងអង្គផ្ទុក ១២៨ GB មួយគ្រឿង។

ប្រសិនបើទិន្នន័យនេះត្រូវពិតមែនអេក្រង់ AMOLED ដែលទិញពី Samsung គឺជាផ្នែកថ្លៃជាងគេ ដែលមានតម្លៃជាង ៨០ ដុល្លារក្នុងមួយបន្ទះ។ កាមេរ៉ាក្រោយចំនួន ៣ គ្រាប់ មានតម្លៃ ២៧,២៩ ដុល្លារ ក្នុងមួយគ្រាប់។ RAM ទំហំ ៦ GB មានតម្លៃ ២៦ ដុល្លារ ចំណែកអង្គផ្ទុក ១២៨ GB មានតម្លៃ ២០ ដុល្លារ។ បន្ទះឈីប Snapdragon 855 ក៏មិនថោកដែរ ដោយមានតម្លៃ ៧០ ដុល្លារ។

សរុបទៅគ្រឿងបន្លាស់ត្រូវការសម្រាប់ផលិត OnePlus 7 Pro ប្រភេទ RAM ទំហំ ៦ GB មានថ្លៃសរុប ៣២៤,២១ ដុល្លារ។ តម្លៃនេះមិនបូករួមការចំណាយផ្នែកស្រាវជ្រាវ និងផលិត, ថ្លៃពលកម្មដំឡើង, ថ្លៃវេចខ្ចប់, ថ្លៃដឹកជញ្ជូន និងចំណាយផ្សេងៗទៀតនោះទេ។ OnePlus 7 Pro ប្រភេទ RAM ទំហំ ៦ GB មួយគ្រឿងមានតម្លៃ ៦៦៩ ដុល្លារនៅបរទេស ហេតុនេះ OnePlus អាចចំណេញច្រើនគួរសមដែរពីស្មាតហ្វូនដែលលក់បាន៕

Sunday, July 14, 2019

ជ្រុលដៃផ្ញើសារណាមួយក្នុង Messenger នេះវិធីលុបងាយៗ Facebook ទើបចេញថ្មីថ្មោង

ក្រុមហ៊ុន Facebook បានបញ្ចូលមុខងារដ៏ពិសេសមួយអនុញ្ញាតឲ្យអ្នកប្រើប្រាស់អាចលុបសារចាស់ៗឬសារដែលគិតថាខុសឆ្គង ដោយមិនឲ្យបុគ្គលម្ខាងទៀតឃើញក្នុងកម្មវិធីផ្ញើសារ Messenger។

បច្ចុប្បន្នមុខងារនេះដាក់ឲ្យប្រើប្រាស់សម្រាប់គណនី Facebook មួយផ្នែកធំជាពិសេសសម្រាប់ជំនាន់ Desktop ដោយឡែកជំនាន់ Mobile មិនទាន់ដំណើរការផ្លូវការនោះទេ ពោលគឺរំពឹងនឹងបញ្ចប់ការបន្ទាន់សម័យនាពេលដ៏ខ្លីខាងមុខនេះ។ យ៉ាងណាមិញអ្នកប្រើប្រាស់អាចសិក្សាទុកជាចំណេះដឹងទៅពេលក្រោយ តាមរយៈការអនុវត្តដ៏សាមញ្ញ។

បើកដំណើរការ Facebook Messenger លើទូរសព្ទឬ Desktop

ចូលទៅកាន់ការសន្ទនាដែលអ្នកចង់លុប

ចុចសង្កត់ឲ្យជាប់សារណាមួយ

រើសយកពាក្យ Delete > ជ្រើសត្រង់ពាក្យ Remove for everyone (សារនោះនឹងបាត់ចេញពីប្រអប់សាររបស់អ្នកនិងបុគ្គលម្ខាងទៀត ប៉ុន្តែត្រូវរង់ចាំពេលប្រហែល ១០ នាទី)

Sunday, July 7, 2019

MasterCard និង Visa Card គួរប្រើមួយណា? អានចប់នឹងដឹងច្បាស់

ពេលដែលឮពី MasterCard និង Visa ភ្លាម អ្នកទាំងអស់គ្នាប្រាកដជាគិតដល់កាតធនាគារ ដែលអាចធ្វើប្រតិបត្តិការសម្រាប់ទិញទំនិញ និងចាយវាយក្រៅប្រទេសជាមិនខាន។ មនុស្សមួយភាគធំយល់ច្រឡំថា MasterCard និង Visa ជាធនាគារ ប៉ុន្តែវាមិនមែនជាការពិតទេ។ តាមពិតទៅ MasterCard និង Visa គឺជាក្រុមហ៊ុន ២ ផ្សេងគ្នា ដែលមានប្រតិបត្តិការលើដំណើរការរបស់សាច់ប្រាក់នៅក្នុងគណនីធនាគារ។

MasterCard និង Visa ធ្វើការជាមួយធនាគារនៅទូទាំងពិភពលោក លើការប្រតិបត្តិការសាច់ប្រាក់មិនថាពេលអ្នកចង់ទិញទំនិញលើអ៊ីនធឺណិត និងការចាយវាយផ្សេងៗ។
+ទាំង MasterCard និង Visa សឹងតែទទួលស្គាល់ទូទាំងពិភពលោកដូចគ្នា
មិនថានៅទីណាឡើយនៅលើពិភពលោក ហាងដែលទទួលយកការទូទាត់ជាសាច់ប្រាក់អន្តរជាតិ គឺសឹងតែទាំងអស់មានទាំង MasterCard និង Visa។
មានករណីលើកលែងខ្លះដែរ ដែលអាចមានកន្លែងមួយចំនួន ទទួលយកតែ MasterCard មិនយក Visa ហើយខ្លះទៀត មិនយក MasterCard តែយក Visa វិញ។ មូលហេតុ អាចដោយសារកន្លែងទាំងនោះមានការសហការផ្ដាច់មុខ សម្រាប់ក្រុមហ៊ុនទាំង ២ នេះ។
+ភាពខុសគ្នារវាង MasterCard និង Visa៖
Visa ចែកចេញជា ៣ កម្រិត៖ Basic, Signature និង Infinite។ គួរឲ្យសោកស្ដាយ ដែលធនាគារនៅក្នុងស្រុកមិនទាន់មានកាតប្រភេទ Visa Signature, Visa Infinite នៅឡើយទេ ដោយមានប្រើតែ Basic (Normal, Platinum, Gold ជាដើម)។

កាតកម្រិត Basic នៅបរទេស វាទទួលបានគុណប្រយោជន៍ដូចជាការរ៉ាប់រងលើរថយន្ត ការពន្យារសុពលភាពលើទំនិញ ការទិញដូរដែលមិនមានការអនុញ្ញាត ជំនួយក្នុងពេលបន្ទាន់ និងការស្នើសុំកាតភ្លាមៗ។

កាតកម្រិត Signature ផ្ដល់ប្រយោជន៍គ្រប់យ៉ាងដូចកាត Basic បន្ថែមពីលើការទទួលបានសេវាកម្មទទួលការកក់ ២៤/៧ ការបញ្ចុះតម្លៃសម្រាប់ការកម្សាន្ត ការចូលរួមព្រឹត្តិការណ៍កីឡា ការញ៉ាំអាហារ និងការធ្វើដំណើរជាដើម។

កាតកម្រិត Infinite ផ្ដល់ប្រយោជន៍ទាំងអស់ដូចកាតកម្រិត Signature តែវាមានផ្ដល់ជាគុណប្រយោជន៍ពិសេសសម្រាប់អ្នកចំណាយខ្ទង់ធំ។

MasterCard មានកាត ៣ កម្រិតដូចគ្នា ដែលមានពីថ្នាក់ទាបទៅខ្ពស់ ដូចជា Basic, World និង World Elite ។ ដូចគ្នាទៅនឹង Visa ដែរ កាតកម្រិតខ្ពស់ World និង World Elite មិនមានប្រើប្រាស់នៅក្នុងស្រុកយើងឡើយ។

កាតកម្រិត Basic ផ្ដល់គុណប្រយោជន៍សឹងតែស្រដៀងនឹង Visa Basic តែ MasterCard Basic មានការការពារពីការឆបោកលុយលើអីុនធឺណិត។ ម៉្យាងទៀត MasterCard ផ្ដល់ជាសេវាកម្ម ការពារការទិញទំនិញពេលឡើងថ្លៃទៀតផងក្នុងរយៈពេល ៦០ ថ្ងៃ ដោយវានឹងវេរប្រាក់មកឲ្យវិញ បើសិនជាទំនិញមានការចុះថ្លៃ ជាជាងពេលអ្នកទិញ (នៅបរទេស)

កាតកម្រិត World ផ្ដល់ប្រយោជន៍គ្រប់យ៉ាងដូចកាត Basic បន្ថែមពីលើ ដោយសេវាកម្មទទួលការកក់ផ្ទាល់ខ្លួន ២៤/៧ ការការពារតម្លៃក្នុងការទិញ (បាន ១២០ ថ្ងៃ) និងការថែមជូនក្នុងសេវាកម្មសណ្ឋាគារជាដើម ដូចជា ការថែមជូនអាហារពេលព្រឹក និងពេលចេញពីសណ្ឋាគារយឺតជាដើម។

កាតកម្រិត World Elite ផ្ដល់ប្រយោជន៍ទាំងអស់ដូច កាតកម្រិត World អុីចឹង តែវាមានផ្ដល់ជាគុណប្រយោជន៍ពិសេសនានាសម្រាប់អ្នកចំណាយខ្ទង់ធំ ដូចជា ការបញ្ចុះតម្លៃលើជើងយន្តហោះ (ទាំងយន្តហោះឯកជន) ការបញ្ចុះតម្លៃក្នុងការជួលឡាន ដំណើរកម្សាន្តតាមនាវា និងដំណើរកម្សាន្តផ្សេងៗទៀត។

Friday, July 5, 2019

អស់ប៉ុន្មានលុយ ជិះរថភ្លើងពីភ្នំពេញ ដល់បាងកក?

សេវារថភ្លើងប្រចាំថ្ងៃថ្មីរវាងក្រុងបាងកក និងស្ថានីយបានក្លងលឹក ក្នុងខេត្តស្រះកែវ (ជាប់ព្រំដែនកម្ពុជា) បានបើកដំណើរការនៅថ្ងៃទី១ ខែកក្កដា ឆ្នាំ២០១៩។ នេះមានន័យថាចាប់ពីពេលនេះទៅ អ្នកអាចធ្វើដំណើរពីក្រុងភ្នំពេញ ទៅក្រុងបាងកក តាមរយៈរថភ្លើងផ្ទាល់តែម្ដង។

ជិះរថភ្លើងពីក្រុងភ្នំពេញ ទៅក្រុងបាងកកមានចែកចេញជាពីរដំណាក់កាល ទីមួយគឺការជិះពីស្ថានីយរថភ្លើងក្រុងភ្នំពេញ ទៅកាន់ស្ថានីយរថភ្លើងក្រុងប៉ោយប៉ែត ខេត្តបន្ទាយមានជ័យ ដែលចំណាយពេលប្រមាណជា ១២ ម៉ោង។ ចេញដំណើរពីភ្នំពេញម៉ោង ៧ ព្រឹក ទៅដល់ប៉ោយប៉ែតម៉ោងប្រមាណ ៦៖៤០ ល្ងាច ដែលមានតម្លៃសំបុត្រ ៧ ដុល្លារ ។ នេះបើតាមតារាងធ្វើដំណើររបស់ក្រុមហ៊ុនរ៉ូយ៉ាល់រ៉េលវេ ដែលបង្ហោះលើ Page Facebook។

ចុះពីរថភ្លើងប៉ោយប៉ែត ធ្វើដំណើរប្រមាណជាង ១ គីឡូម៉ែត្រ ឆ្លងទៅដល់ស្ថានីយបានក្លងលឹក ក្នុងខេត្តស្រះកែវ រួចបន្តដំណើរពីស្ថានីយនេះ ទៅកាន់ស្ថានីយក្រុងបាងកក។ គួរដឹងថារថភ្លើងចេញពីស្ថានីយបានក្លងលឹកមានចំនួនពីរជើង ដោយជើងទីមួយចេញនៅម៉ោង ៦៖៥៨ នាទីព្រឹក និងជើងទីពីរចេញនៅម៉ោង ១៖៥៣ នាទីថ្ងៃត្រង់។ ដូចនេះត្រូវសម្រាកនៅប៉ោយប៉ែតមួយយប់ ទើបអាចបន្តដំណើរទៅក្រុងបាងកកតាមរយៈរថភ្លើងបាន។

ការធ្វើដំណើរពីស្ថានីយបានក្លងលឹក ទៅដល់ក្រុងបាងកក មានចម្ងាយ ២៦០ គីឡូម៉ែត្រ ត្រូវប្រើពេលប្រមាណ ៥ ទៅ ៦ ម៉ោង តាមរថភ្លើងលេខ ២៨០ និង ២៧៦។ តម្លៃសំបុត្រ ២៥ បាត (ប្រមាណ ៣៣០០ រៀល ) សម្រាប់កូនក្មេង និង ៤៩ បាត (ប្រមាណ ៦ ៦០០ រៀល) សម្រាប់មនុស្សធំ។ នេះបើតាមវិបសាយក្រុមហ៊ុនផ្លូវដែករដ្ឋនៃប្រទេសថៃ៕

ជប៉ុនរងទុក្ខ! ពលរដ្ឋជាង១លាននាក់ ត្រូវជម្លៀសខ្លួន ដោយសារគ្រោះទឹកជំនន់ និងបាក់ដី

សារព័ត៌មាន ក្យូដូ បានផ្សាយថា ប្រជាជនជាង ១,២៤លាននាក់ ស្ថិតនៅភាគនិរតី នៃដែនកោះ Kyushu ប្រទេសជប៉ុន ត្រូវបានភៀសខ្លួនចេញជាបន្ទាន់ កាលពីថ្ងៃទី៣ ខែកក្កដា ឆ្នាំ២០១៩ ដោយសារតែរងនូវការគំរាមកំហែង ពីគ្រោះទឹកជំនន់ និងការបាក់ដី បន្ទាប់ពីភ្លៀងធ្លាក់មកយ៉ាងខ្លាំងពេក។

ប្រភពបន្តថា ប្រជាជនទាំងអស់ រស់នៅទីក្រុងកាហ្គោស៊ីម៉ា ( Kagoshima), ទីក្រុងអាម៉ាគូសា (Amakusa) និងទីក្រុងអ៊ីរ៉ា (Ira) ដែលស្ថិតនៅលើដែនកោះ Kyushu សរុបប្រហែល ៧៦០ ០០០ នាក់ ត្រូវបានអាជ្ញាធរពាក់ព័ន្ធណែនាំឲ្យភៀសខ្លួនភ្លាមៗ ចេញពីលំនៅឋានរបស់ពួកគេ ដើម្បីទៅរកទីមានសុវត្ថិភាព។

ប្រភពព័ត៌មានដដែល បានបន្តថា តំបន់ដែលមានការជម្លៀសប្រជាពលរដ្ឋនោះ មានផ្ទះប្រមាណ៥៨ពាន់ខ្នង ដែលមានប្រជាជន រស់នៅជាង១,២៤លាននាក់ ។

គ្រោះទឹកជំនន់ និងការបាក់ដី នៅតែបន្តកើតមាន នៅក្នុងប្រទេសជប៉ុន ដោយសារតែភ្លៀងធ្លាក់ខ្លាំង ហើយភ្លៀងចេះតែបន្តធ្លាក់ឥតឈប់ នៅក្នុងតំបន់ខាងលើនេះ ទើបធ្វើឲ្យប្រជាពលរដ្ឋជប៉ុនរងនូវទុក្ខលំបាកយ៉ាងខ្លាំង។

បណ្តាញទូរទស្សន៍ NHK TV បានផ្សាយថា នៅក្នុងគ្រោះធម្មជាតិដ៏អាក្រក់ខាងលើនេះ មានស្ត្រីវ័យចំណាស់ម្នាក់បានបាត់បង់ជីវិត ដោយសារលំនៅឋានរបស់គាត់ នៅទីក្រុង Kagoshima ត្រូវបាក់ដីសង្កត់ពីលើ ខណៈគាត់រត់ព្យាយាមចេញមិនទាន់។

អាជ្ញាធរ នៅក្នុងតំបន់ បានប្រកាសថា បញ្ហាទឹកជំនន់ និងការបាក់ដី នៅតែបន្តគំរាមកំហែងដល់អាយុជីវិត និងសុវត្ថិភាពរបស់ប្រជាពលរដ្ឋជប៉ុន ដែលរស់នៅក្នុងតំបន់នោះ។ ដោយឡែក អ្នកស្រុកទាំងអស់ត្រូវអាជ្ញាធរស្នើឲ្យភៀសខ្លួន ចេញទៅរកទីជម្រកមានសុវត្ថិភាព ដោយស្នាក់នៅបណ្តោះអាសន្ន នៅតាមសាលារៀន អគារស្ថាប័នរដ្ឋ នៅក្នុងតំបន់នោះ ដើម្បីគេចខ្លួនឲ្យផុតពីគ្រោះមន្ដរាយជាយថាហេតុ ៕

Thursday, July 4, 2019

រូបភាព១០សន្លឹកដែលបង្ហាញពីទីតាំងពិតដែលមាននៅក្នុងខ្សែភាពយន្តរបស់ Marvel

អ្នកដែលចូលចិត្តទស្សនាខ្សែភាពយន្តបែប Super Hero ប្រាកដជាស្គាល់ Marvel ច្បាស់ហេីយ។ ហេីយក្នុងខ្សែភាពយន្តជាច្រេីនរបស់ Marvel បានបង្ហាញពីទីទាំងពិតដែលមាននៅលេីពិភពលោកនេះមែន ទោះបីជារឿងបែប Super Hero សម្បូរការកាត់តក៏ដោយ។ ហេីយនេះជារូបភាព១០សន្លឹកដែលបង្ហាញពីទីតាំងពិតដែលមាននៅក្នុងខ្សែភាពយន្តរបស់ Marvel។ តោះទស្សនាទាំងអស់គ្នា៖

ក្រុមហ៊ុនយក្សថៃកំពុងត្រៀមបើកហាងលក់ទំនិញរបស់ខ្លួនចំនួន ៧០០កន្លែងនៅកម្ពុជា

ភ្នំពេញៈ ក្រុមហ៊ុន CP All Plc ដែលបានចុះបញ្ជីនៅថៃបានប្រកាសអំពីផែនការបើកហាងទំនិញខ្នាតតូចចំនួន ៧០០កន្លែងនៅកម្ពុជា។ នេះបើយោងតាមរបាយការណ៍របស់ផ្សារមូលបត្រថៃ (SET) បានចេញផ្សាយកាលពីម្សិលមិញ។

ក្រុមហ៊ុនយក្សថៃបាននិយាយថា បច្ចុប្បន្នក្រុមហ៊ុនកំពុងចរចា លើកិច្ចព្រមព្រៀងទិញសិទ្ធិ ដែលនឹងនាំយកហាងទំនិញ 7-eleven មកមកកាន់កម្ពុជា។

របាយការណ៍របស់ក្រុមហ៊ុនវិនិយោគទុនថៃ I V Global Securities បានឲ្យដឹងថា “ក្រុមហ៊ុន CPALL កំពុងរង់ចាំការពន្លឿនកិច្ចព្រមព្រៀងពាណិជ្ជកម្មមេ ដើម្បីបើកហាងនៅឡាវ និងកម្ពុជា”។

របាយការណ៍ដដែលនេះបានឲ្យដឹងថា “ផ្អែកតាមការស្ទង់មតិទីផ្សារ និងការប៉ាន់ប្រមាណបឋមរបស់ក្រុមហ៊ុន គឺយើងនឹងបើកហាងនេះឲ្យបានចំនួនហាង៧០០កន្លែងនៅកម្ពុជា និងចំនួនហាង៥០០កន្លែងនៅឡាវ គ្រោងនឹងបើកនៅពេលខាងមុខ”។
តម្លៃភាគហ៊ុនរបស់ក្រុមហ៊ុនបានកើនឡើង ០,៨២ដុល្លារ កាលពីម្សិលមិញបន្ទាប់ពីសេចក្តីប្រកាសនេះ។
ក្រុមហ៊ុន CP ទាំងអស់ដំណើរការហាងទំនិញ១១,០០០ កន្លែង ក្រោមស្លាកយីហោ 7-eleven នៅថៃ ដែលមានអតិថិជនជាមធ្យម១១,៨ លាននាក់ជារៀងរាល់ថ្ងៃ។ ក្រុមហ៊ុននេះទទួលបានសិទ្ធិផ្តាច់មុខពីក្រុមហ៊ុន 7-Eleven Inc នៅសហរដ្ឋអាមេរិកក្រោមកិច្ចព្រមព្រៀងអាជ្ញាប័ណ្ណប្រចាំតំបន់កាលពីឆ្នាំ ១៩៨៩។ ក្រុមហ៊ុនមេនេះគឺជាក្រុមហ៊ុនដែលមានតម្លៃ ៦៣ពាន់លានដុល្លារ។
យោងតាមរបាយការណ៍របស់ធនាគរជាតិនៃកម្ពុជា ដែលបានចេញផ្សាយនៅឆ្នាំនេះបានឲ្យដឹងថា ប្រទេសថៃជាប់ចំណាត់ថ្នាក់លេខ៥ ក្នុងចំណោមប្រទេសទាំង៥ ដែលវិនិយោគផ្ទាល់ពីបរទេស (FDI) ចូលមកកម្ពុជា។
បន្ទាប់ពីប្រកាសនាំចូលនូវហាង 7-Eleven មកកម្ពុជាប្រទេសថៃ បានជាប់ចំណាត់ថ្នាក់ទី៥ភ្លាម បន្ទាប់ពីប្រទេសជប៉ុន៕

Wednesday, July 3, 2019

ព្រឹត្តិការណ៍ Unpack Galaxy Note10 លេចមុខថ្ងៃ ៧ សីហា

ពាក្យចចាមអារ៉ាមបានក្លាយជាការពិតហើយ ដោយ Samsung នឹងប្រារព្ធកម្មវិធី Unpacked នៅថ្ងៃទី ៧ ខែសីហាខាងមុខនេះ ដែល Galaxy Note10 នឹងជាតួឯកនៃកម្មវិធីធំប្រចាំចុងឆ្នាំមួយនេះ។

Samsung មិនបាននិយាយអំពីចំណុចពិសេសលើ Galaxy Note10 ដែលអ្នកគាំទ្រគួរទន្ទឹងរង់ចាំនោះទេ ប៉ុន្តែរូបភាព Teaser ដែលមានប៊ិច និងកាមេរ៉ាចំកណ្ដាលអាចឲ្យគេទាយដឹងខ្លះៗ។ Galaxy Note10 នឹងនៅតែប្រើប៊ិចដដែល ហើយកាមេរ៉ាចំកណ្ដាលអាចតំណាងឲ្យកាមេរ៉ា Selfie ដែលចោះចំកណ្ដាលអេក្រង់ខាងមុខ ដូចរូបភាពលេចធ្លាយកន្លងមក។

រូបភាព Render Galaxy Note10

រឿងខ្លះៗដែលគេដឹងអំពី Galaxy Note10 មានដូចជា មានមុខងារស្កេនម្រាមដៃក្រោមអេក្រង់, មានពីរប្រភេទអេក្រង់ទំហំ ៦,៣ អ៊ីញ (Note10) និង ៦,៨ អ៊ីញ (Note10+) និងមិនមានរន្ធដោតកាស 3.5 mm នោះឡើយ៕

Tuesday, July 2, 2019

ឃេីញរូបទាំង១៦សន្លឹកនេះហេីយដឹងតែហួសចិត្តតែម្តង

នៅលើលោកនេះមានរឿងរ៉ាវប្លែកៗជាច្រើនបានកើតមានឡើងស្ទើរគ្រប់វិនាទី គ្រាន់តែរឿងរ៉ាវខ្លះត្រូវបានគេថតជាប់ ហើយបង្ហោះវាចែកគ្នាមើលនៅក្នុងបណ្ដាញសង្គម ឯខ្លះទៀតគឺមិនមានអ្នកថតបាននោះទេ ទើបធ្វើឲ្យយើងមិនបានឃើញវា ។
ប៉ុន្តែនៅថ្ងៃនេះខ្ញ៉ំនឹងនាំអារម្មណ៍ប្រិយមិត្តទៅទស្សនារូបថតទាំង ១៨ សន្លឹកដែលបង្ហាញពីរឿងរ៉ាវប្លែកៗ ជ៉ំវិញពិភពលោក ដែលគេបានចែករំលែកវានៅក្នុងបណ្ដាញសង្គម ៖
១ មានចាប់អារម្មណ៍អាអូនមួយនេះកាន់កាមេរ៉ាធំជាងគេជាងឯងឬទេ ?

២ ពិតជា Creative មែន

៣ ទឹកក្រូចគេក្រូចមួយចំណិត ទឹកប៉ោមគេដាក់ប៉ោមមួយចំណិត ឯទឹកឪឡឹកទាល់តែដាក់ឪឡឹកមួយចំណិតដែរ

៤ ការពារប្រសើរជាងព្យាបាល ទាល់តែពាក់អីញ្ចឹងទើបមិនខ្ទាតចូលភ្នែក

៥ តេជគុណទ្រាំសិនទៅ ធ្វើម៉េចខែហ្នឹងសម្បូរទុរេន តែវាក៏ប្រសើរជាងពោតស្ងោរដែរ

៦ ផ្លូវប៉ុណ្ណឹងជិះមិចគ្រាន់

៧ អ្នកគូសគំនូសនេះប្រហែលភ្លេចពាក់វ៉ែនតា

៨ គួរប្រមូលចោលម្ដងទៅពូ ច្រើនពេកហើយ

៩ ហើយចុះលោកជាងខាងណា អីក៏ពូកែដាក់ម្ល៉េះ

១០ ធ្វើម៉េចបើវាសល់តែចន្លោះប៉ុណ្ណឹង

១១ មើលមួយភ្នែកច្រឡំជណ្ដើរយន្ត

១២ ប្រហែលជាឧស្សាហ៍មានអ្នកធ្វើបែបហ្នឹងហើយមើលទៅ បានជាគេហាមបែបនេះ “ហាមបោះកូនឲ្យក្រពើស៉ី” និយាយលេងទេ គឺ “គេហាមលើកកូនដាក់លើរបងការពារសុវត្ថិភាព ប្រយ័ត្នកូនក្លាយជាចំណីក្រពើ”

១៣ ហ្វេសិន អប់ ដឺ យៀរ

១៤ នេះបានគេហៅថាអ្នករៀន គឺរៀនមិនរើសកន្លែង

១៥ តម្រង់ទៅអាកូន បាញ់អាហ្នឹងត្រូវអញឲ្យហែងលេង PUBG ហើយ

១៦ ទិញអាធំអីញ្ចឹងហ្មងទៅប្រើបានយូរ